ليت قـلـبـي شخص واقدر من حياتي اعدمه !!

لـــيــــتَ قـــلـــبـــي

ليه ياقلبي تغافلني وتعشق من وراي ؟

كيف روحي غصب عني فيه صارت مغرمه ؟

ليه ترضى ترتبط بانسان ماوضّح غلاي ؟

مابقى لي غير نبضي وانت مني تحرمه

كل ماشفته يطير الحرف من رعشة شفاي

ليت قلبي شخص واقدر من حياتي أعدمه

القهر .. قدام عيني ومااقدر احكي له هواي

ليتني باحلامه اظهر وارتجل واعلّمه

كلما جيت ابتدي الموضوع .. أوصل منتهاي
وكلما جيت ابني صروح الأمل .. صرت اهدمه

يوم حسّ بحيرة عيوني .. سألني: وش بلاي؟

بس درس الحب صعب وليت قلبه يفهمه

راحت ايام وليالي .. عشت اردد واا شقاي

السهر يعزم عيوني والحزن صرت اعزمه

بس انا لاحظت كيف انه بدا يسهر معاي

صار مثلي وسط صدره سر غالي يكتمه

كان صمته مثل صمتي ورجوته تشبه رجاي
وان رسم شي بخياله .. في خيالي أرسمه

صار يسرح .. قلت شكله عاشق ويعشق سواي

لازم ابعد عن حياته ياعسى الله يسلّمه

لين قال الكلمه اللي زلزلت أرضي وسماي

قالها من غير مايشعر بروحٍ معدمه

قال : احبك انتي شمسي وانتي همسي ياهناي
قلت : احبك انت عمري وانت شعري ملهمه

قال : صمت الحب عذّبني وعذبته معاي
قلت : صمت الحب يستاهل حبيبي نكرمه

قال : لو ماكان علّمتك بحبي وش دواي ؟
قلت : من يهوى ويسكت .. الزمان يعلّمه

بصراحه ابدااااااع مشكووووور وتقبل مروري.

مشكور على الرور الطيب

تحياتي

تسلم أخي ع الكلمات او القصائد الحلوه والشيقه

تسلم ع الطرح الجميل
صح لسانك
وفقك الله